Jólakortin

Hvert fór tíminn eiginlega?!

Jólin eftir minna en viku og jólakortin sem streyma inn um lúguna eru ágætis áminning um það!

Talandi um jólakort....

Í fyrra hengdi ég öll jólakortin upp á vegg og lét þau mynda jólatré. 

Það heppnaðist alveg ágætlega þó ég segi nú sjálf frá og gestir sem komu í heimsókn töluðu gjarnan um þetta.

Núna er forstofugangurinn orðinn svo fínn að ég vil ekki setja neitt á hann þannig að ég ákvað að fara aftur í gamlar hefðir.

Fyrir það geymdi ég alltaf kortin á jólatréinu sjálfu því ég vil geta skoðað myndirnar og notið kortanna yfir jólin. :)

Í ár ákvað ég að safna kortunum saman fyrst og raða þeim svo á jólatréið þegar við erum búin að venja monsa litla á að hafa slíkan grip inní stofunni (já það hefur núþegar dottið 2 sinnum ofan á hann!)

Ég fór í IKEA og keypti mér þennan servíettustand á heilar 495 kr!

Ég nota hann svo til að geyma kortin þangað til ég raða þeim á tréið, þá fær hann nýtt hlutverk sem servíettustandur. :)

Algjör snilld!

***