Lemon @ home

Ég hef aldrei verið mikið fyrir djúsa eða frosna ávexti. Ég skildi aldrei þessa smoothie-byltingu og fannst skrítið að drekka eitthvað með "gummsi" í. Ég átti bæði venjulegan blandara og Nutribullet í mörg ár en notaði það bara ca. einu sinni. Ég bara var ekki að ná þessu svo ég endaði á því að selja bæði tækin.  

...Og svo kom Lemon!

Ég eeeelska Lemon og gæti borðað þar á hverjum degi. Ég hef ekki enn smakkað vonda samloku eða djús þar þrátt fyrir að vera komin langt á leið með að prófa allt á matseðlinum. Ég gerðist meira að segja svo klikkuð að færa mig yfir í NOVA til að fá 2 fyrir 1 þar! (eða það var a.m.k.hluti af ástæðunni)

Þessi ást mín á Lemon varð til þess að maðurinn minn gaf mér í jólagjöf smoothie-mixer. Ég játa það fúslega að ég var ekkert rosalega spennt fyrir þessu fyrst þar sem ég var búin að prófa svona tæki áður. En nei - þetta er án gríns ein besta jólagjöf sem ég hef fengið og krakkarnir eru ekki síður ánægð!

Snilldin við þetta tæki er sú að þú blandar drykkinn í brúsanum. Tækið hakkar allt í spað þó svo að það sé frosið - meira að segja klaka!  Annað sem er eiginlega meiri snilld er það að tækið kostar "bara" tæpar 7.000 krónur og innifalið er tækið og tveir brúsar. Tækið fæst í Byko en nánari upplýsingar má sjá HÉR.

***

Við erum s.s. byrjuð að gera djúsa á hverjum degi og ég elska það!

Sigga og krökkunum finnst þetta líka æði og um leið og guttarnir mínir koma heim af leikskólanum segja þeir "mamma getum við gert tilraun?"

***

Ég deili þessu með ykkur því þetta er mín reynsla. Þetta er ekki auglýsing í samstarfi við Lemon eða Byko heldur bara mín persónulega skoðun.

*** 

Stevía

Ég er alltaf að vinna í því að bæta mataræðið mitt en þar sem ég er illa nammisjúk þá gengur það ekki nógu vel. Sykur er minn versti óvinur (en um leið minn besti vinur) og því er fókusinn þar núna.

Eitt af því sem mig hefur langað til að prófa að vinna með er Stevía.

 

 

***

 

Hér má sjá nokkra puntka um Stevíu sem ég fann á heimasíðu Heilsubankans:

 

* Upprunalega ættuð frá Suður Ameríku (Paraguay).

* Stevía  er notuð í sama tilgangi og gervisykur t.d. í drykki, sælgæti og ís. 

* Stevía er allt að 300 sinnum sætari en hvítur sykur og því á "minna er betra " við um stevíu.

* Stevía hefur ekki áhrif á blóðsykur og nærir ekki bakteríur eða ger.  

* Einnig er talað um að Stevía geti haft bólgueyðandi áhrif.   

* Aukaverkanir af notkun stevíu eru fátíðar.

* Stevía hentar vel í allskonar bakstur, matargerð, heita drykki sem og í allskonar kalda hristinga og grænar bombur.  

* 2-3 dropar af fljótandi steviu samsvara 1 teskeið af sykri og 6-9 dropar eða ¼ teskeið samsvara einni matskeið. 

 

***

 

Þegar ég ætlaði að kaupa stevíu um daginn sá ég að það er hægt að kaupa meira en 10 bragðtegundir sem allar eru ótrúlega girnilegar. Ég horfði lengi á glösin en fékk valkvíða og hætti við allt.

Mér datt þá í hug að senda Via Health (sem selur stevíu) póst og spyrja hvort þeir væru með einhvern "byrjenda pakka." Þeir voru þar reyndar ekki en mér var ráðlagt að byrja á því að kaupa vanillu því hún passar svo vel í svo margt.

 

Nú er vanillu stevían komin í skápinn og ég byrjuð að skoða uppskriftir - meira um það síðar (vonandi) ;)

 

***