Dagbók 2013

Eitt af markmiðum ársins 2013 er að verða skipulagðari. Ég er mjög skipulögð að eðlisfari þó svo að árið 2012 hafi eiginlega verið í ruglinu. Árið byrjaði illa og við náðum okkur einhvernvegin aldrei á strik. 

Markmið ársins 2013 snýst því í rauninni um það að koma okkur fjölskyldunni aftur "í gírinn".

Mín reynsla er sú að til að vera virkilega skipulagður þurfa allir meðlimir fjölskyldunnar að taka þátt og vilja vera "memm". Ég er svo heppinn að eiga mann sem þekkir mig vel og er til í allt svona og börnin okkar eru líka til í allt ef maður lætur það hljóma spennandi. 

***

Fyrsta skipulagsverkefnið var að búa til dagbók fyrir árið 2013. 

Ég var heillengi að gera bókina en hún var þess virði. Ég lét prenta hana og gorma fyrir mig í stærð A5 hjá Samskiptum og svo prentaði ég hana út hér heima og setti í möppu í stærð A4. 

Ég ætla svo að sjá til hvort hentar mér betur enda er þetta í fyrsta skipti sem ég bý til mína eigin dagbók (þó svo að ég hafi alltaf notað svona bækur.)

Nánar um bókina: 

Á fyrstu blaðsíðunni eru upplýsingar um mig ef bókin týnist:

Á næstu blaðsíðu fylli ég inn mikilvægar dagsetningar eins og afmæli, brúðkaupsafmæli og fasta viðburði (hrekkjavaka, Thanksgiving...): 

Þar á eftir koma allir mánuðirnir: 

Nú er komið að aðalatriðinu en það eru vikurnar.

Við Siggi reynum að setjast niður á sunnudagskvöldum og fara yfir vikuna sem er að líða og undirbúa þá næstu. Þetta tekur ekki langan tíma (ca. 40 min) og er án efa þess virði. 

Þegar ég var að setja upp bókina hafði ég þessa litlu fundi okkar í huga. Hver opna er ein vika og núna höfum við þetta allt fyrir framan okkur og ættum þ.a.l. ekki að gleyma neinu.

1. Mánaðardagur

2. Þessi kassi er fyrir matarplön vikunnar.

3. Hér skrifa ég hvað á að vera í morgunmat (þetta á aðallega við um helgar hjá okkur)

4. Hér skrifa ég hvað á að vera í hádegismat (þetta á líka aðallega við um helgar)

5. Hér skrifa ég hvað er í kvöldmatinn. Ég er svo með annað blað (sem kemur inn fljótlega) þar sem við 

plönum matarinnkaupin sérstaklega.

6. Við erum með fjárhagsáætlun pr. viku (það blað kemur líka inn seinna). Í þennan reit skrifum við hvort við erum undir áætlun, á áætlun eða komin yfir áætlunina. 

7. Vika innan árs 

8. Yfirlit yfir síðasta mánuð og næsta mánuð.

9. Hér skrifum við markmið vikunnar. Þetta tengist oftast húsinu t.d. að mála þvotta húsið, saga lista og fleira en svo erum við auðvitað líka með önnur markmið sem við setjum þarna líka.

10. Hér skrifum við svo annað sem við þurfum að muna.

Í lokin á bókinni eru svo 7 minnismiðar sem hægt er að fylla út allt annað sem manni dettur í hug. Þeir líta svona út:

Þá er ég búin að fara yfir alla bókina í bili. 

Ef þið viljið ykkar eigin bók þá getið þið sótt hana með því að ýta á myndina hér að neðan. 

Þið getið svo prentað hana út og byrjað að skipuleggja! :)

****