Mig hefur lengi langað til þess að eignast Jón í lit eftir Almar vöruhönnuð. Mér finnst þetta snilldar hugmynd og svo er hún líka svo skemmtilega litrík. Mig langar í marga liti og það er ótrúlegt hvað uppáhalds litirnir breytast eftir skapi, tíma og rúmi.
Ég missti þetta út úr mér í við pabba minn um daginn og viti menn, hann kom með Eggert úr bronsi daginn eftir. Gott fólk má ég kynna Eggert Claessen langafa minn!
***
Svo er líka skemmtileg saga á bakvið þetta fyrir þá sem hafa áhuga. :)
Eggert Claessen var einn af stofnendum Eimskipafélagsins og var plattinn gerður fyrir Eimskipafélagið þegar hann dó. Það voru gerðir þrír svona plattar; einn er hjá Eimskipafélaginu, annar er á minnisvarða um Eggert og sá þriðji býr núna hér:
Að lokum má nefna að það var enginn annar en Ríkharður Jónsson myndhöggvari sem bjó plattann til.
***
1 comment:
Vá þessi er nú aldeilis flottur, eigulegur og sérstakur.. eða einstakur réttar sagt. Ótrúlegt að fá svona grip upp í hendurnar
Til hamingju með Eggertin þinn.
kær kveðja
Stína
Post a Comment