Þá er komið að því að sýna ykkur brúðartertuna eftir að við settum hana saman.
Eins og þið vitið þá vorum við búnar að vinna okkur í haginn til að vera ekki í stressi rétt fyrir brúðkaupið (sjá hér hvernig við gerðum rósirnar).
Næst á dagskrá var að baka kökuna og setja hana saman. Við þurftum að baka níu kökur eða þrjár í hverri stærð. Brúðurin vildi súkkulaðiköku með hindberjakremi og það kom sko skemmtilega á óvart hvað þetta passaði vel saman. Kremið var súrt og kakan sæt - perfect! :)
Svo var bara að skella hindberjakreminu á milli og passa að það færi ekkert útfyrir því við vildum ekki að kakan yrði bleik að utan. Utan á settum við hvítt smjörkrem til að "festa" sykurmassann og til að gera kökuna slétta.
Síðan skelltum við sykurmassanum á þetta allt saman og röðuðum á bakka.
Næst á dagskrá var svo að skreyta kökuna. Við byrjuðum á því að setja perlufestar á samskeytin.
Að lokum var rósunum raðað á.
Og svona leit kakan út!
Svo má ég nú til með að sýna ykkur fallegu brúðhjónin. Myndatakan fór frram í Hörpunni og ég á ekki orð yfir það hversu fallegar myndirnar eru!
***
No comments:
Post a Comment